老老實實出發前完全無諗去檳城會去敗食材,單純打算去食食食之麻!好感謝伙頭細細佬帶左去一間超市,點知出事啦~!! 平!到!呢!

伙頭妹平日婆仔性格買米係知米價既,雖然絕對唔鼓勵食米飯。就如此,伙頭媽努力買手信我又努力左睇右睇下發現「椰棗」!對於果菜露露廚房主理人見到呢種恩物會兩眼發光,當然重點價錢啦!每盒港幣都係約$ 2X -4X!!太多選擇係煩惱,所以都隨手買左幾盒試下。其實係檳城大部分超市,市場都會好容易見到椰棗蹤影。

簡單介紹下我稱為恩物的椰棗(英文名稱:Dates )名波斯棗、番棗、伊拉克棗,是棗椰樹的果實椰棗,含有豐富的纖維、維生素B、鐵、鎂等維生素抗物質,真正天然糖,低升糖指數,愛嗜甜朋友食番粒椰棗真係食甜品感覺,記得有次係出門差不多餓暈咁,好彩身上有椰棗,即刻食左兩三粒,瞬間補充體力!所以都係行山食物好選擇,體積不大,易於攜帶。椰棗稱為沙漠麵包,伙頭妹稱為「山上麵包」。

13401373_1227956430582511_958870794_n

其實椰棗的確係「果菜露露廚房」常用到食材之一,下次會分享如何入「棗」為「露」啦!