13510472_1236728426371978_114759445_n

 

話說尋晚放工趕去禪院坐禪,本來已放定樽椰青水入袋架啦!點知靈機一觸就快快打左一大樽菜露露出門上路,之後同朋友仔搵左個地方飲埋個晚露就去坐禪,快靚正!
 曾經有唔少人問過伙頭妹同一個問題:「你是否全食生?」所以由本妹親身回應一下先!哈哈!
其實我食生比例係50%!係咪全食生飲食習慣係最好呢?最正確呢?引述下師父教導先,世界上無事情係對與錯的,只是因與果。在認識同接觸食生後的感受同個人體驗,「食生」係通往健康修行道路上的其中一個選擇,在生活而言多了一個選擇前往目的地,好似去銅鑼灣秀峰禪院,可以坐地鐵、巴士、渡海小輪、的士,甚至步行,其實以上方法都能夠到達目的地。
食生對於生活、飲食上多左選擇一個,每個人身體都如此獨一無二,聆聽身體才最重要啊!當然如果身體有特殊情況,完全食生係最直的方法之一。
 
 呢兩年間食生令我知道「食」原來可以好簡單,好似出街食飯(伙頭妹係好抗拒排隊等位,因為人生唔應該浪費太多青春去等位食一餐飯),所以會寧願選擇去買盒沙律菜、生果舒服地慢慢享受,如果自己出街有時買樽果汁、椰青水(自斷食後發現更方便)就解決一餐,簡單方便又慳錢。
 
所以呢,流動果菜露露對於工作忙碌,懶惰既無飯家庭朋友係一個好好的飲食選擇!
伙頭妹未來係「果菜露露廚房」會繼續努力分享更多食譜,記得留意啦!